Zum Valentinstag

So wunderbar dusse wie Samet, dä Glanz,
der Schnee u d Sunne hei zäme e Tanz.
Es glitzeret u funklet wie lüüchtegi Stärne,
die Stilli u Rueh...ke Hektik u Lärme.

Mys Härz gliichet grad jetz, wie beschribe,
däm glänze u lüüchte u d Sorge vertribe.
Jg gniesse, es chliises Momäntli im Läbe
wo strahlet wie d Sunne, ig wettis fescht häbe.

Wetts bhalte, ha Angscht es gieng verlore,
ig füehle mi gwüss wie früsch gebore.
Di Liebi laht schmelze e Dechi us Yis
Di Liebi isch d`Medizin ig Danke der lys.

Miriam