Valentinsschatz

D`Sunne strahlet u wärmt mis Gsicht,
mir chunnt i Sinn e eigni Gschicht.
Die Gschicht, das ig viu Glück darf ha,
Di so fescht gärn z`ha...Du bisch mi Ma!

Was mir zwöi scho alls hei dörfe erläbe,
dass cha me mit eim Satz gar nid säge.
So viu Liebi, Vertroue u glücklechi Stunge,
hei üs i dere Zyt ganz fescht zämebunge.

A däm Wintertag möcht ig Dir säge,
dass es o bi üs halt mängisch tuet rägne!
Doch tuet sech d`Sunne geng ume zeige,
ohni Di i mim Läbe wär alles alleige!

Drum danke ig Dir, für all die schöne Tage,
mir hei doch verweis, ke Grund zum Chlage!
Du bisch mi Sunne wo häll ufgeit,
Du bisch dä wo mi dür z Läbe treit!

Vo Härze für mi Schnuse