Pesche

Fasch kaal si jetze d Matte,
der Wald wirft längi Schatte,
a de Böim isch ds Loub so schön,
zündet füürig i de buntischte Tön.

Es isch e Stimmig wo töif im Härz,
tuet schaffe, gschpürsch Fröid u Schmärz.
A de Farbe chasch fröie di,
s`chönnt aber o es stärbe si.

Luegs guet a...gliich was es grad isch,
du gsehsch es lüüchte, gliich wo de grad bisch.
Überall chasch stuune, die Pracht,
der Herbscht het halt e gheimi Macht.
M Schafroth

Liebe Schnuse,
I danke dir für die ganzi Arbeit i dinere Feriewuche.
Die vergangeni Zyt isch ume hert gsi, aber du bisch
gliich geng da gsi, hesch mer ghulfe u mer Muet gmacht,
hesch di um mi gsorget u näbebi der ganz Hushalt gmacht.
I danke dir,...."möcht ohni di gar nümme si!"

I töifer Liebi u Verbundeheit
Dini Schnuse